Picasass
(primo premio "I gent e i mestee d'una vòlta in un paes da Muntagna" Magreglio)
Setaa su un sass dala val da Gian
son lì che ciopi cunt al rciopp in man,
fÖi giald spazzaa dala Breva
la saguma d’un durd in mezz ala scighera.
Ciapi la mira, fo per tirà al grilett,
ma l’usell l’è baloss e al gora in d’un buschett.
Anca quest ma l’ha fada urmai pos na
amò cinq minut pÖ ma invii vers cà.
Inturnu a mi giandun e serizz desmentega da un giazzee
che la man da l’om ha lavura in temp indree.
Propi ai me pè ghè li un capitell
che una martelada da tropp l’ha rott sul pusee bell.
In mezz ala nebbia ma par da vedei
umitt da una vÖlta che pica cui martei.
Punzun e scalpei, chignoe da frasan
dùman al granii e la spregan giò cunt i asan.
Quel sass l’è un tocc da gesa, quel’oltar un tocc da cà,
giandun e serizz per quela gent al vor dì mangià.
Là in un cantun al par lì a specià
un mass da granii cun tre tacc a metà.
Al segna la fin da un epuca, cumenciada mila e mila an fa,
temp da fadig, sudur e tantu lavurà.
14 Marzo 2009