Natal
"Ciau Ruseta, Ciapa al calendari
e varda quand podum nà a fa al safari!"
"Giuvann! Al safari tal fet da par ti!
Mi vöi la pelicia e i tusann vöran minga vignì."
"Pö vöi nà a Cortina a fa l'ultim da l'ann
magari in muntagna vegn anca i nost tusann!"
"Mama, quest'ann numm stem a cà,
gh'emm da studià e poeu al presepi vörum fa.
"Al Bambinn lasell in suree a durmì in dala cuna;
violtar vignii cun numm, la vita l'è vuna!"
"E poe chi se ne frega di compit e leziunn,
dumann che cunta l'è una bela racumandaziunn!"
"Su tusann! Nem al centro cumerciall,
vem in agenzia e dopu toevum un quei regall!"
"Una pelicia per la mama Ruseta,
un celular per violtar e per i noni una sveglieta.!
"Papà, se al safari ta vörat propi fam
va pur in agenzia a prenutà;
numm adess vemm a fa la tepa
e poe femm al presepi in dala nostra stanzeta."
L'agenzia l'è piena, mi al so pù se dì,
par che tucc hann deciduu da partì!
E' vanzaa apena du post, semm propi furtunaa,
e adess via a tò regai lì al supermercaa!
L'è ruvada la vigilia, i strad in pienn da luminari,
al presepi l'è faa, gh'è anca i zampognari.
In dala cuna al Bambin al par dì:
"Piang minga, son ruvaa anca per tì!"
Luntann sa ved un quei parpai,
"Ghè scià la nev, nee in lecc bagai!"
Tutt l'è bianc, l'è un dì special,
un dì da speranza, l'è Natal.
Donato Dicembre 2006