Magica nocc
Sota la scara, pres un purtun da legn,
tra la penumbra e la stala di baritt
du sciuchitt vecc e un po da tepa,
statuin da gess discuran tra da lur.
“O lavandera ti ca ta set tuscoss
in da naval al padrunn inscì da cursa
che al se gna fermaa a sarà al purtun?”
“Tas petegula ca ruva al Giuvannin!
L’è scià da cursa, cunt in man al Bambin !”
“Tenera Mamm, ta porti al to Bagai
la mia l’è marada la vedaro pù urmai!”
“Strengial al coeur ga pias inscì
al batt per numm, al voerum sintì.”
“Quand dumann, la mia mamm la sarà in Paradis
dacc in brasc al tò ga pararà che sia mì!”
Un boff da vent al carezza Giuvannin
un’anima la va in ciel, un pensier al va luntann.
Donato 24 Novembre 2008