La Madona da San Carogian
Al so minga sa l’è, ma anca in questi temp,
che la fed l’è scarsa e la gent la ga oltru in ment,
gh'è sempar un quei d’unn in quela geseta
pugiada sura ul Lambar e in mezz a l’erbeta.
Forsi perché, lì gh’è tanta pas e tranquilità
e nisun ta disturba se ta vet a pregà,
forsi perché l’è una tradiziunn che sa perd in di ann,
tant che la gent la ruva da Comm e anca da Milan.
Dent, un altar da legn, cun sant, martir e lumen,
in mezz ul quadar cut la Madona e ol bamben.
Giusepp da part ol varda cun Giuvanenn,
ai pe ul so bastunn e un bell bianc barenn.
L’è chi che vegn la gent quand ga la fa piò
l’è chi che la sa confida ala Madona e al bambin Gesù.
A Caslin, sa cumencia da bagai a pregà in dala geseta,
al mes da Mag dopu vè giuga in dal pra per almen un'ureta.
La gent la va e la vegn, i prublema in sempar quei,
bagai, salut e lavurà o in di bursitt ghè minga ghei.
Da mila e pasa ann ti ta set li a scultà,
e anca se tucc ta podat minga cuntentà,
sia che al piov o al fioca, ghe ul su o al tira vent,
ved da vardà gio e vuta tuta la gent!
Donato Ottobre 2014