La lateria
L'è un po da dì che ai cinq in lateria
senti pù al frecass che fa Maria.
La leva su inscì prest per la butega,
per fa al buter cunt Ricu e per preparà la muneda.
M'han dii che l'è nada in pensiunn, che n'ha vanzaa asee
disan pur che nusun vör ciapà al so mestee.
L'è tropp fadigus, ghè da levà su tropp prest
e pö l'è minga dumò ciapà danee e da via al rest !
La cuntrada l'è morta adess senza dunett
che intant che fasevan la spesa cuntavan quatar balett!
Adess vann tucc a l'Iper o ai oltar mustrunat,
disan che spendan menu e senza ciapà fregat.
Al buter l'è fresc, tutt l'è cuntrula,
anca al grana l'è bell e l'è stagiuna!
Sa và cunt la machina, poe sa ciapa al carell,
sa gira i bancuni e al sa impiendis da quest e da quell.
Tutt al sbarlusiss, tutt l'è culura,
nusunn ta cugnuss, quest l'è al supermerca!
Intant la cuntrada l'è sempar pusee voeia,
sparii bagai e dunett, sa ved gnà una foeia!
Se quest l'è al prugress nemm pur innnanz inscì,
intant che ma fregan cuntinuemm a durmì!
Donato 1994 / 2008