Invincibile
(Primo premio concorso dialettale Teresa Piovella Magreglio
"La bici tra fatiche ,storia,miti,leggende" )
Pugiada in da un cantunn da la casina dal me pà,
tra pulvar e ragninn , una bici gialda la par lì a specià.
Al manubar spurtiv, al cambi a tri raport,
i pedalitt gibula e al parafang tutt sgangheraa.
Cunt un fazzulett da carta tiri via un zicc da pulvar
e la marca "Invincibile" la cumpariss tra lus e umbar.
Tuchi al manubar quand una scosa la ma traversa al corp
e intant che du gutuni ma colan giò e diventi smort,
rivedi quel bagai che cinquant'ann fa,
emule d'un garibaldin cun la camisa rusa che al s'era fa cumprà,
al scarliga sul gerett dananz la geseta da San Rocc
e al gumbat nov da paca al va in cinq e tri vott.
Rivedi quel "Lumbardia" dal luntann sessantadu,
quant da Boecc al "Mur" prima da Baldini e oltar curidur,
em faa tuta la salida senza pedalà
cunt la gent sula strada che la sa divertiva a ruzzà.
Quant ricordi! Quanti bei mument!
Che bei giurnad em pasaa cuntent!
Adess ta set lì, spurca e gibulada,
ma in dal mè coer ta saret mai desmentegada.
Donato 08/05/2010