E TE LAVORA (3° premio concorso "La valle" Valbrona 1972)
Camen négar da fumm,
intrezz da fil e da pay,
frecass da bert e da may,
ta compàgnan tutt ol dì.
E te ta set lì a vardà
la macchina che và
e te ta set lì a bèstemà
la macchina che voeur minga nà.
La riva poeu la sira
e ta vèt a ca' stracch,
consciaa com'on saracch,
sporch da crapa a pè.
Ol mond intant al gira,
diman al sarà anmò inscì...
lavora fin che l'è sira
e poeu va a cà a durmì.
Donato Novembre 1971