Duv'ell al me paes
Cun tuta e scarp, grifaa e sbarlusent,
son in gir e curi per alenament.
La giurnada l'è bela, al suu primaveril,
un can al buia là, in fund ad un curtil.
Ruseta l'è in gir cul barbin e la par 'na bambulina,
ma da ann ga n'ha già una sessantina.
Luisa la g'ha i labar tutt sgunfiaa
e do tett gross, apena rifaa.
L'usteria dal Luff l'è piena da donn senza l'omm,
ghè da trà via al co ma propi dabonn.
Duv'inn i bagai che giuga sul segra
e quei che cur e vusa in mezz ai praa?
Duv'inn i rundin che gora in dal ciel
e i paisann ca pica la ranza cul martell?
Duv'ell al me paes, alegar e pien da vita
quand tucc i suridevan e mangiavan dala stesa marmita?
Sem regundu una maniga da vecc,
omm ca cura la furma, donn ca gunfia al pecc.
"Fermemas gent, nemm pù innanz inscì,
salvem al paes, lasemal minga murì !"
Donato 20 Aprile 2011