Ciclista e biciclett
Telar lustar mè pomm
sfrecian per i strad di nost vall,
atleta bardaa, campiun senza età
pedalan cunt muscul apena sfurna.
Al raport adess al spiana i salit,
la fadiga l'è nada a fas benedì
e, se poe voran una marcia in pù,
la tiran fö dala buracia.
La strada l'è piena da mai culura,
festa e dì lavur l'asfalt l'è lustraa,
sfrecian veloci, brusan al temp
e in cima, ala geseta, nusun va pù dent.
La strada la pianc al sudur di veri campiun,
qui che la fadiga la smurzavan cul zabaiun,
quei che la pulvar la palta e la gera
masnavan cuntent in pas e in guera.
Donato08/05/2010