Al me paes
Voi pruvà a descrif un'emuziun
c'ho suntuu l'oltar dì in prucesiunn.
Al temp l'era bell e la gent tanta,
al pret al benediva tucc cunt l'acqua santa.
Intant che insem alla crus e San Rocc
sa invium vers al paes, la banda la suna un tocc.
In men ca sa disa ruvum al punt
la fila l'è lunga e per turnà girum in tund
poe ciapum la discesa e, intant che la banda suna
vardi al me paes; Maisan e la Valbruna.
Al vedi mè l'era tanti an fa,
quand s'eri un bagai e ma piaseva giugà.
Vedi al prestin dal Painara, senti un prufum da pan,
vedi al Lilocc taià la carne e l'Esperia ca vend i banan.
In da l'usteria dal Scular giugan la mura, bevan al vin,
Celestina cunta i butun, Luigi al taia un tocc da strachin.
Dopu al legname e al puliroo pasum dananz la lateria,
lì da part, ghè al Luff, l'oltra usteria.
In frunt gh'è al Mucett che al fà al sciavatinn,
al giusta i scarp intant che al bef al vinn.
Sem ruvaa ala geseta, la fraziun l'è tuta chi,
la par un supermerca:" l'è al paes che pias a mì."
Donato Aprile 2011