A Trifur
L'è bell ogni tant regurdas
quand navum a fà trifur al Runcasc,
mì, al me pà e l'Arturo dal Gutard,
cun al cagnoe e un tuchel da lard.
Febo e Arturo dananz cun al nas in tera,
mì e al me pà dadre in mezz a la gera.
"Cerca Febo! Cerca che al ghè!"
Ecu che al raspa l'è lì in mezz ai pè.
Varda che bell, l'è mè na bala da bigliard:
"Tò Febo tò un tuchèll da lard!"
Febo al ringrazia e al mena al cuin,
Arturo al ga pasa al trifur al pipin.
Dopu ch'emm fa un bell girett
sa trovum su al Scarlascett,
la casina l'è averta ghè là al Murett
n'emm che vem a bev un po da ragett!
Febo al riposa in un cantunn,
num bevum un busul da quel bun.
I vecc i cuntan su da quand i eran sulda
e tut i rob che i han vist e han pasa.
Vegn sira, l'è ura da na a cà,
un quei trifur l'em fa per mangià;
sul risot o su la pasta l'è sempar bun,
sem minga sciuri ma anca questi in sudisfaziun.
Donato 92